cherry 的分享空間

返左新工作一星期了，又要重新學新事物，其實我都考慮左好耐先決定入去！今次我又返返去大公司做（Ｏｖｅｒ７０個Ｂｒａｎｃｈ），真係唔知係咪適合自己呢，無論人工，醫療福利（住院＆門診津貼都有），年假（１２日），１３個月糧（做滿３年保證１４個月糧），每年最少１．５個月花紅，近乎１００％保證每年有人工加，讀書津貼等待遇也較以往好～～

驟眼睇好似各方面都好好，但我都唔敢肯定會唔會做得長，（可能我習慣性做經常轉工）。唔知係咪大公司工作劃分好仔細，我每日既工作就自己睇＆覆ｍａｉｌ，同埋ｑｕｏｔｅ下價咁～～不過我幾欣賞佢既ＥＲＰ　ＳＹＳＴＥＭ，做過咁多大＆細公司，呢間公司算係最好（估唔到）．

今日正式同Ｇ．Ｍ．開會，工作上係首次接觸，未入職前聽聞這位Ｇ．Ｍ．幾麻煩(其中一個原因考慮咁耐先決定入去做），今日對佢既感覺．．．．不錯啊～頭腦清晰，懂得站在前線同事角色思考他們運作（好少有），及降低身份和倉庫同事討論問題, 接納接見．

現在還是適應階段，唔知下次再寫既時候仲咪係到做緊呢？？

今日係年初五啦~~又要開工lu!! 不過冇野做, 勁free~haha~

年廿九去左維園行花市, 用左2個半鐘左右行晒全程lu, 好耐都冇試過(往年都係年三十先去迫)。

今年行花市買左”輕汽球”, 完成左我童年夢想呀……童年時阿爸同阿媽成日話”唔等洗”, 結果整個童年都未擁有過~~

雖則咁大個人拎住個輕汽球有些少尷尬, 不論男女老少仲追住我個輕汽球黎打(好慘), 但整晚黎講都好開心hee~

過往咁多年既年初二, 成家都會阿女麻到拜年, 仲會過年前整定d蘿蔔糕,年糕,馬蹄糕,胡頭糕,油角,豆沙角等等比我地架…

今年既新年唔多慣, 阿女麻不但沒有整賀年食品, 仲有係我咁大個女第1次見阿女麻唔係香港過年, 因為上年屋企有個好親既親人離開左, 變相要避年!

2008年既新年願望, 我充心祝福我的家人日日都開開心心,健健康康咁生活!